1 қыркүйек- білім күні. Бұл күн әр баланың көргеніне нұр құйылған, әр ұстаздың жүрегі тебіреніп, көңіл шарықтаған, әр ата-ананың мерейі өсе түскен нағыз қуаныш күн. Бүгін "Сулыкөл бастауыш мектебі" КММ "Мектебім- мейірім мекені" тақырыбында алғашқы қоңырау салтанатты жиыны өткізілді. Жиынға ата-аналар қатысып, бүлдіршіндерге ақ жол тіледі. Мектеп табалдырығын аттаған кішкентай бүлдіршіндеріміз алғашқы қоңырау соқты. Жаңа оқу жылының алғашқы сабағы "Мектебім мейірім мекені" тақырыбында өтті. Оқушылар сергіту сәтін жасаумен алғашқы сабақты бастады. Бүлдіршіндеріміз мақсаттарына қол жеткізіп, келешегі кемел болашағы нұрлы болсын! Білім жолында қанаттары талмай, биікте ғана самғай берсін!
